Fréttatilkynning

Vinir Mosfellsbæjar – Óháð framboð

HEIÐARLEIKI – ÞEKKING – LÝÐRÆÐI

Vinir Mosfellsbæjar bjóða fram í bæjarstjórnarkosningum í Mosfellsbæ þann 26. maí n.k.

Vinir Mosfellsbæjar er óháð framboð sem á sér ekki rætur í hinum hefðbundnu stjórnmálaflokkum. Framboðið sækir styrk sinn til einstaklinga úr ýmsum áttum, með fjölbreytta þekkingu og bakgrunn, sem eiga það sameiginlegt að vilja efla hag bæjarins og allra íbúa hans.

Heiðarleiki, þekking og lýðræði eru þau leiðarljós sem framboð Vina Mosfellsbæjar mun byggja starf sitt á. Sérsök áhersla verður lögð á góða samvinnu við bæjarbúa og bæjarstarfsmenn. Vinir Mosfellsbæjar ætla að auka og auðvelda aðkomu bæjarbúa með virku íbúalýðræði. Með opinni, gagnsærri og gagnvirkri stjórnsýslu geta Mosfellingar gert góðan bæ enn betri.

Stefán Ómar Jónsson, viðskiptalögfræðingur og fyrrverandi bæjarritari Mosfellsbæjar, mun leiða lista Vina Mosfellsbæjar. Í öðru sæti er Margrét Guðjónsdóttir lögmaður. Í þriðja sæti er Michele Rebora stjórnmálafræðingur og ráðgjafi í gæðastjórnun. Fjórða sæti skipar Vilhelmína Eva Vilhjálmsdóttir grafískur hönnuður og framkvæmdastjóri fimleikadeildar Aftureldingar.

Nánar um aðra frambjóðendur á www.vinirmos.is.

 

Nánari upplýsingar varðandi þessa fréttatilkynningu veitir:

Stefán Ómar Jónsson stefan@vinirmos.is og í 892 6801